"АЛЬТАНКА - 1 "  

Адданы школе душой

Мікалай Іванавіч НАВУМЧЫК – першы і пакуль адзіны настаўнік-метадыст на Маларытчыне, настаўнік беларускай мовы і літаратуры, загадчык краязнаўчага музея “Спадчына”, намеснік дырэктара па вучэбна-метадычнай рабоце ДУА “Маларыцкая раённая гімназія”, член савета асацыяцыі настаўнікаў-метадыстаў Рэспублікі Беларусь “Імкненне”, лектар–практык ДУА “Брэсцкі абласны інстытут развіцця адукацыі”, член рэдкалегіі навукова-метадычнага часопіса “Беларуская мова і літаратура”, аўтар тэставых заданняў па беларускай літаратуры для 6-9 класаў, выдадзеных  ТАА ВД “Белы Вецер”, а таксама – 243 публікацый, якія змешчаны на старонках навукова-метадычных часопісаў “Роднае слова”, “Беларуская мова і літаратура”, “Народная авета”, суаўтар 2 дапаможнікаў, што рэкамендаваны Цэнтрам вучэбнай кнігі і сродкаў навучання Нацыянальнага інстытута адукацыі.

Мікалай Іванавіч закончыў з адзнакай Пінскае педагагічнае вучылішча імя А.С.Пушкіна, а пасля службы ў арміі таксама з адзнакай − філалагічны факультэт Брэсцкага дзяржаўнага ўніверсітэта імя А.С.Пушкіна. Малады спецыяліст атрымаў накіраванне ў аспірантуру і адначасова прапанову застацца працаваць асістэнтам на кафедры гісторыі беларускай мовы і дыялекталогіі. Аднак М.І.Навумчык выбраў школу. І ні дня аб гэтым не пашкадаваў. З таго часу ўжо амаль 25 гадоў выкладае ва ўстановах адукацыі Маларыты родную мову і літаратуру.

Мікалай Іванавіч Навумчык – педагог-творца, які выявіў сябе як дасведчаны  знаўца незлічоных скарбаў роднай мовы. Ён тонка адчувае красу, выразнасць, гармонію беларускага слова. Таму невыпадковым педагагічным і жыццёвым крэдам стала пастаяннае імкненне да нязведанага і няспынны пошук. М.І.Навумчык не проста адданы гэтаму запавету, а яшчэ і ўдасканальвае, пастаянна паглыбляе сваё педагагічнае майстэрства. Здзіўляе і ўражвае працаздольнасць Мікалая Іванавіча, настойлівасць у дасягненні мэты, творчы патэнцыял. Спакойны, добразычлівы, сціплы, ён выклікае сімпатыю да сябе. Ён укараняе новае, перадавое ў практыку работы, праяўляе пры гэтым творчы падыход да справы.

Педагог валодае разнастайнымі класічнымі метадамі і прыёмамі, новымі педагагічнымі тэхналогіямі. Метадычная палітра настаўніка шматгранная. Шчыра ён дзеліцца з калегамі  сваім вопытам на курсах павышэння кваліцікацыі ў Брэсцкім АІРА. М.І.Навумчык сваім вопытам работы дзеліцца і з калегамі рэспублікі падчас правядзення Калядных фестываляў педагагічнага майстэрства.  Заслугоўвае ўвагі і метадычная скарбонка настаўніка па кантролі за выніковасцю навучальнага працэсу. Настаўнікі ўсёй краіны ведаюць і ўкараняюць у практыку цікавыя, змястоўныя метадычныя  распрацоўкі па тэставым кантролі па роднай літаратуры, падрыхтаваныя Мікалаем Іванавічам. Уся педагагічная дзейнасць М.І.Навумчыка скіравана на павышэнне ўзроўню сфарміраванасці моўнай і маўленчай кампетэнцыі вучняў, а таксама – чытацкай, літаратуразнаўчай, інтэрпрэтацыйнай, сацыяльна-арыентаванай.

Пад кіраўніцтвам Мікалая Іванавіча вучні раённай гімназіі праводзяць даследчую работу. Па выніках гэтай працы яны неаднаразова былі пераможцамі раённых і абласных навукова-практычных канферэнцый. Напрыклад, вучаніца 11 класа Панасюк Вікторыя ў 2013 годзе ўзнагароджаны Дыпломам I ступені на абласной навукова-практычнай канферэнцыі  «З навукай у будучыню».  

Мікалай Іванавіч з’яўляецца стыпендыятам Спецыяльнага фонда Прэзідэнта РБ па сацыяльнай падтрымцы адораных вучняў і студэнтаў (1996г). Акрамя таго, ён узнагароджаны Падзякай Брэсцкага аблвыканкама (2000г.),  Ганаровай граматай упраўлення адукацыі Брэсцкага аблвыканкама (2005г.),  Ганаровай  граматай выдавецтва “Адукацыя і выхаванне” (2005г., 2010г., 2016г.),  Граматай Міністэрства адукацыі (верасень 2009г.),   Падзякай Брэсцкага абласнога інстытута развіцця адукацыі (2009г.). М.І.Навумчык прымаў удзел у рабоце Рэспубліканскага семінару творчай моладзі ў Доме творчасці “Іслач” (снежань, 1993г.), ІІ з’езду настаўнікаў Беларусі (лістапад 2001г.). З пятага класа супрацоўнічаў з газетай Драгічынскага раёна “Запаветы Леніна”, рэспубліканскай газетай “Піянер Беларусі”, двойчы стаў пераможцам рэспубліканскага конкурсу сачыненняў “Самы цікавы дзень лета”, свае творы друкаваў на старонках літаратурна-мастацкага і інфармацыйна-публіцыстычнага часопіса для моладзі “Першацвет”, гісторыка-краязнаўчым і літаратурным зборніку “Берасцейскія карані”. Цяпер М.І.Навумчык актыўна супрацоўнічае са штотыднёвікам “Культура”, “Настаўніцкай газетай”, навукова-метадычны часопiс “Беларуская мова і літаратура” (з’яўляецца членам рэдкалегіі). Мікалай Іванавіч таксама ўзнагароджаны дыплом ІІІ ступені па выніках конкурсу на лепшую метадычную распрацоўку ўрока па беларускай мове (ІІІ прэмія), які праводзіўся ў часопісе “Беларуская мова і літаратура” (2005г.); дыплом ІІІ ступені за перамогу ў творчым конкурсе ў намінацыі “Лепшая метадычная распрацоўка па белару-скай літаратуры”, якую праводзіў часопіс “Беларуская мова і літаратура” (2011г.).  У 2001г. прыймаў удзел у раённым этапе рэспубліканскага конкурсу прафесійнага  майстэрства  педагогаў  “Настаўнік года – 2001”  і заняў ІІ  месца.